Процессти Түп райондук ички иштер бөлүмүнүн начальниги, милиция полковниги Тилек Канатбеков координациялап жатат.
Акциянын жүрүшүндө аймактын кээ бир тургундары катталган ок атуучу куралдарды тапшырууну чечишти. Учурда жалпы 26 курал жана 1 газ-травматикалык пистолет тапшырылды.
Акциянын негизги максаты – жарандарды ок атуучу куралдар менен мыйзамдуу иш алып баруу боюнча мыйзамдык нормалар тууралуу маалымдоо, ошондой эле мыйзамсыз куралдар жана ок-дарыларды сактоонун алдын алуу.
Райондук милициянын өкүлдөрү мындай коопсуздукту жогорулатуу боюнча иш-чаралардын келечекте да улантыларын белгилешти.
