Бул маалыматты Жалал-Абад облусунун Ички иштер башкармалыгынын басма сөз кызматы берди.
Басма сөз кызматынын маалыматына ылайык, Ноокен РОВДнын кызматкерлери «Арсенал» рейдинин алкагында катталган ок атуучу куралдын ээлеринин сактоо шарттарын жана уруксат берүүчү документтердин болушун текшеришти.
«Текшерүүнүн жыйынтыктары төрт жаранга куралды сактоо эрежелерин бузгандыгы үчүн КРнын укук бузуулар кодексинин 134-беренеси боюнча протоколдор түзүлгөнүн көрсөткөн. Аларга 12 000 сомдук жалпы айып пул белгиленди. Бир жаран мыйзамсыз сакталган ок атуучу куралды милиция кызматкерлерине өз ыктыяры менен тапшырды. Операциянын жүрүшүндө документтери жок 16-калибрдүү ок атуучу куралды колдонуп, аңчылык кылган Ноокен районунун тургуну Т.Ш. кармалды. Ал тергөө органдарына өткөрүлдү», - деп айтылат пресс-релизде.
Учурда тергөө иштери уланууда.
