МП «Бишкектеплосеть» пресс-кызматынын маалыматына ылайык, сварка иштери 00:44тө аяктады. Андан кийин адистер жылуулук тармактарын этап-этабы менен толтуруп башташты. Зыяны 900 миллиметр диаметри бар трубада болду.
Аварияны жоюу учурунда шаардың түштүк бөлүгүндөгү жылуулук параметрлери убактылуу төмөндөтүлдү, бирок жылуулук берүү альтернативдүү схема боюнча уюштурулду. Туруктуу жылуулук жана ысык суу менен камсыздоодо эч кандай үзгүлтүккө учураган жок.
Ремонт жасалган жерде жашыл зонага көрктөндүрүү иштери ылайыктуу аба ырайында жүргүзүлөт.
Бул аймактагы жылуулук тармагы 1974 жана 1986 жылдары пайдаланууга берилген. Узак мөөнөттүү пайдалануу менен байланыштуу, ишкана инженердик инфраструктураны этап-этабы менен модернизациялоонун зарылдыгын белгиледи.
2025-жылы МП «Бишкектеплосеть» тармактарды масштабдуу жаңылоону аяктады. Фрунзе жана Курманжан Датка көчөлөрүндө магистралдык жылуулук тармактары 700 миллиметрден 900 жана 1000 миллиметрге чейин диаметри чоңойтулуп алмаштырылды, насостук станциялардын жабдуулары оңдолду, 1 543 квадрат метр жылуулук изоляциясы калыбына келтирилди, 424 даана кран жабдуулары алмаштырылды, 4 551 метр эски трубопроводдор жаңыланды жана Чүй проспектиси менен Осмонкул көчөсүнүн кесилишинде насостук станция № 3 курулушу аяктады.
МП «Бишкектеплосеть» шаар тургундарына чыдамдуулук үчүн ыраазычылык билдирип, жылуулук камсыздоо системасын туруктуу иштетүү боюнча иштер улантылып жатканын маалымдады.
