Визит учурунда киноиндустрия департаментинин директору Талантбек Толобеков жана киностудиянын жетекчиси Максат Жумаев министрге учурдагы оңдоо иштеринин жүрүшү тууралуу маалымат беришти.
Ведомстводон берилген маалыматка ылайык, лифттердин реставрациясы аяктады, ошондой эле режиссерлор, продюсерлер, сүрөтчүлөр жана гримерлер үчүн иш бөлмөлөрүн жаңылоо иштери жүрүп жатат, анын ичинде жаңы мебель сатып алуу пландалууда.
Оңдоо иштери кино залында жана эски имаратта уланууда, ал жерде атайын тартуу аянтчаларын жана сахналык мейкиндиктерди түзүү пландалууда.
Мирбек Мамбеталиев оңдоо иштерин сапаттуу жана убагында аяктоо зарылдыгын, ошондой эле бюджеттик каражаттарды максаттуу пайдаланууну күчөтүү керектигин белгиледи. Ал инфраструктураны модернизациялоону активдештирип, отандык кинематографияны өнүктүрүү үчүн жагымдуу шарттарды түзүүнү тапшырды.
