Бүгүн, 17-февралда, президенттин жана министрлер кабинетинин өкүлү Бектур Зулпиев Шабданбековдун талапкерлигин сунуштады. Депутаттар аны талкуусуз бир добуштан колдошту.
Кыска биографияЖумгалбек Шабданбеков 1970-жылы Нарын облусундагы Чаек айылында жарык дүйнөгө келген. 1991-жылы Жусуп Баласагын атындагы КНУнун экономика факультетин аяктаган. Андан кийин Талас облусунун салык кызматында инспектор жана улук инспектор кызматтарын аркалаган.
1994-жылдан бери Шабданбеков улуттук коопсуздук органдарында кызмат өтөп, Антитеррористтик борбордо, Антикоррупциялык кызматта жана Мамлекеттик коргоо кызматында ар кандай маанилүү кызматтарды ээлеген.
2020-жылдын октябрынан бери ал ГКНБнын 9-чу кызматын жетектеп, комитеттин төрагасынын орун басары болуп иштеген.
Быйылкы жылдын 10-февралында президенттин жарлыгы менен мамлекеттик комитеттин башчысынын милдетин аткаруучу болуп дайындалган.
