Документ жергиликтүү жана эл аралык мыйзамдардын талаптарын ишке ашыруу максатында түзүлгөн
Кыргыз Республикасынын Ички иштер министрлиги контролго алынуучу наркотиктер жана психотроптук заттардын тизмесин, ошондой эле алардын аналогдору жана прекурсорлорун жакшыртууну сунуштады. Бул мыйзам долбоору коомдук талкууга коюлду.
Документтин максаты — Кыргыз Республикасынын Кылмыш кодексинин жана Административдик укук бузуулар кодексинин нормаларына ылайык келүү, ошондой эле өлкөнүн 1961-жылдагы Наркотик каражаттары боюнча Бирдиктүү конвенциясы, 1977-жылдагы Психотроптук заттар боюнча конвенциясы жана 1988-жылдагы Наркотиктердин мыйзамсыз жүгүртүүсүнө каршы күрөшүү боюнча БУУнун конвенциясы алкагында эл аралык милдеттенмелерин аткаруу.
Бир нече тизмелерди кеңейтүү пландалууда. I тизмеге атайын контролго алынуучу наркотиктерге төрт жаңы затты киргизүү сунушталууда: N-пирролидино протонитазен, N-пирролидино метонитазен, N-дезэтил-изотонитазен жана этонитазепипн. II тизмеге психотроптук заттарга гексагидроканнабинол (ГГК) жана лиздексамфетамин кошулат. III тизмеге каризопродол кошулат.
Ошондой эле наркотиктер жана психотроптук заттардын аналогдору тизмесине 14 жаңы позицияны киргизүү пландалууда, анын ичинде 4-BMC (брефедрон), ADB-INACA, MDMB-INACA, MDPHP жана башка синтетикалык бирикмелер.
Сүрөт www
