Бул жолугушууда билим берүү жана илим тармактарында кызматташуунун мүмкүнчүлүктөрүнө, ошондой эле Erasmus+ программасын ишке ашыруу маселелерине басым жасалды.
Кендирбаева европалык өнөктөштөргө колдоо көрсөткөндүгү үчүн ыраазычылык билдирди, учурда министрлик Европалык Союз тарабынан билим берүү системасын реформалоого багытталган бюджеттик колдоо долбоорун ишке ашырып жатканын белгиледи.
Бул демилге билим берүүнү комплекстүү модернизациялоону камтыйт, анын негизги аспектилери туруктуу каржылоо, окуу процессинин санариптештирилиши, инклюзивдүү билим берүү чөйрөсүн түзүү жана Twinning долбоорунун алкагында алдыңкы европалык тажрыйбаны киргизүү болуп саналат.
