Тынаров белгилегендей, таштанды полигондун көлөмү үзгүлтүксүз өсүп, бул жерден 500 метр аралыкта жашоо райондору башталат. Жаз мезгилинде бул жерде көп учурда өрттөр болуп, аларды өчүрүү бир нече жумага созулчу. Жергиликтүү тургундар бир нече ирет бийликтерге бул маселени чечүүнү суранып кайрылышкан.
Кожомкул айыл өкмөтүндө билдиришкендей, эми региондогу бардык үй-бүлөлүк калдыктар Бишкектеги борбордук санитардык полигонго чыгарылат. «Мурда биз таштандыны борборго атайын техниканын жоктугунан улам ташый алган жокпуз. Ошондой эле таштанды полигону жайгашкан жердин жанына Профсоюзная көчөсүнүн жаңы уландысы өтөт», - деп такташты айыл өкмөтүндө.
