Маданият, маалымат жана жаштар саясаты министринин орун басары Союзбек Надырбеков 19-февралда өзүнүн ведомствосунун коллегиясында билдиргендей, 2025-жылы өлкөнүн музейлери 1,2 миллионго жакын конок тарткан.
Мурда жеке менчикте болгон төрт ири музей мамлекеттик менчикке өткөрүлдү:
- Бишкектеги Алыкула Осмоновдун үй-музеи;
- Ысык-Көл облусундагы Жусуп Абдрахмановдун музейи;
- Нарын облусунун Ат-Башы районундагы Кошой-Коргон комплекси;
- Нарын облусундагы Аскар Салымбековдун сүрөт галереясы.
Учурда Ак-Кыя айылындагы акын Молдо Нияздын музейин мамлекеттик менчикке өткөрүү процессинин улантылып жатканы маалымдалды.
«Сулайман-Тоо музей комплексинде биринчи жолу ачык фонд уюштурулду, ал экспонаттарды коргоп, коомчулукка көрсөтөт. Ошондой эле үч ири музейдин базасында кол өнөрчүлүк борборлору жана коноктор үчүн өз алдынча зыярат кылуу жана үйрөнүү үчүн төрт маданий-акпарат борбору ачылды», - деди Надырбеков.
Мындан тышкары, орун басар министр өткөн жылы өлкөнүн бардык музейлеринде 400 миңден ашык адам катышкан «Ачык эшиктер айлыгы» акциясы өткөрүлгөндүгү тууралуу айтып берди.
