Ведомствонун маалыматына ылайык, жаңы пункт жол кыймылынын коопсуздугун жогорулатууга, жүк ташуучу унаалардын салмак жана өлчөм боюнча белгиленген нормаларды сактоосун көзөмөлдөөгө, ошондой эле жолдордун эрте бузулушун алдын алууга жардам берет. Мындан тышкары, бул демилге мыйзамсыз жана ашыкча жүк ташууларды азайтууга, жол инфраструктурасын колдоого жана транспорт тармагында тартипти бекемдөөгө багытталган.
Ошондой эле, көп жылдар бою жаңыланбаган учурдагы транспорттук көзөмөл пункттарын этап-этабы менен капиталдык оңдоп-түзөө пландалууда.
Белгилей кетүүчү нерсе, аталган курулуш жана оңдоп-түзөө иштерин каржылоо Кыргыз Республикасынын Стабилизациялык фондунун каражаттарынын эсебинен жүргүзүлөт.
