Документте көрсөтүлгөндөй, келишим театрынын директору Муратбек Бегалиев жана борборду жетектеген Марьян Катаровски тарабынан кол коюлду.
Меморандумдун шарттарына ылайык, тараптар опера, хор жана балет искусствосун өнүктүрүү, гастролдор, концерттер, фестивалдар жана биргелешкен спектаклдерди уюштуруу боюнча иш алып барышат. Биргелешкен долбоорлорго режиссерлор, дирижерлор, солисттер, хор жана оркестр артисттери катышат. Мындан тышкары, кызматташтык кесиптик билим берүү тармагын да камтыйт, анын ичинде мастер-класстарды, стажировкаларды жана билим берүү программаларын өткөрүү, адистердин квалификациясын жогорулатуу, ошондой эле илимий публикациялар жана изилдөөлөр менен алмашуу», — деп айтылат пресс-релизде.
Бул келишим эл аралык чыгармачылык байланыштарды өнүктүрүүгө багытталган, бул кыргыз опера жана балет искусствосун дүйнөлүк аренада илгерилетүүгө, ошондой эле маданий дипломатияны бекемдөөгө жардам берет. Документтин күчүндө болушу беш жылды түзөт жана автоматтык түрдө узартуу мүмкүнчүлүгү бар.
