Бул укук бузуулардын ичинен 19 миң учур чет өлкөлүк жарандардын жана жарандыгы жок адамдардын өлкөгө мыйзамсыз кирүүсү же болуусу менен байланыштуу. Мындан тышкары, 9 миңге жакын учур мигранттардын эмгек ишмердүүлүгү боюнча эрежелердин бузулушу менен, ал эми 6 миңден ашык факты чет өлкөлүктөрдүн Россияда мыйзамсыз эмгек ишмердүүлүгү менен байланыштуу.
Миграция тармагында укук тартибин бекемдөөгө багытталган алдын алуу чараларынын алкагында полиция коомдук жайларда, соода борборлорунда, ресторандарда, хостелдерде жана курулуш аянтчаларында 11 миңден ашык текшерүү жүргүздү. Натыйжада 26 миңден ашык адамды чыгаруу чечими кабыл алынды, алардын ичинен 18 миңдейи убактылуу кармоо борборуна жайгаштырылды, ал эми 646 мигрант депортацияланды.
Ошондой эле комплексдүү иштердин жүрүшүндө ар кандай кылмыштарды, анын ичинде оор кылмыштарды жасагандыгы үчүн издөөдө болгон 382 адам аныкталды. Мындан тышкары, мурда мыйзам бузгандыгы үчүн өлкөгө кирүүгө тыюу салынган 151 чет өлкөлүк жаран өз маалыматтарын өзгөртүп кирүүгө аракет кылганы аныкталды.
«Россия Федерациясынын жарандыгы жөнүндө» жаңы нормалар күчүнө киргенден кийин жарандыкты токтотуу механизми да киргизилди. Натыйжада 51 адам Россиянын жарандыгынан ажыратылды, алардын 23 учуру оор кылмыштарга, анын ичинде киши өлтүрүү, адамдарды уурдоо, сексуалдык зомбулук, мыйзамсыз баңгизат жүгүртүү жана улуттук коопсуздукка коркунуч туудурган иштер менен байланыштуу.
