Коргоочунун айтымында, Кожошевдин визитинен кийин Жетиген жаза изоляторунан чыгарылган. ГСИНдин башчысы кызматкерлердин көңүлүн камактагы адамдардын укуктарын сактоого жана гумандуу шарттарды камсыздоого буруп, басым жасады.
Аскат Жетиген адвокатына бошотулганы тууралуу өзү маалымдап, кыйын учурда колдогон бардык адамдарга ыраазычылык билдирди.
«Мүмкүн, бул өзгөрүүлөрдүн башталышы тууралуу сигнал», — деп белгиледи Токтакунов.
Эскерте кетсек, мурда ГСИН Жетигендин жаза камерасында экендигин четке каккан маалыматтарды жарыялаган.
Аскат Жетиген — белгилүү акын жана активист, ал массалык башаламандыкка чакыруулар жана бийликти басып алуу аракеттери боюнча үч жылга соттолгон. Ага каршы кылмыш иши 2024-жылдын мартында социалдык тармактардагы бийликке каршы сын айткан видео кайрылууларынын негизинде козголгон.
