Рейд 7-марттан 14-мартка чейин пландалган.
«Иш-чаранын негизги максаты — автожолдордо коопсуздукту камсыздоо. Биз соода жүргүзүүгө уруксат берилбеген жерлерде күйүүчү-майлоочу материалдарды, ичимдиктерди, тамак-аштарды, ошондой эле курулуш жана чарба товарларын мыйзамсыз сатууга бөгөт коюуну көздөп жатабыз. Мындан тышкары, биз калк менен маалыматтык иштерди жүргүзөбүз», - деп билдиришти ведомстводон.
Москва районунун жол кыймылынын коопсуздугун камсыздоо бөлүмү да жакында мыйзамсыз күйүүчү май сатуу менен алектенген жаранга айыппул салынганын белгиледи.
«Биздин рейд түшүндүрүү иштери менен коштолот. Соңку күндөрдө башка райондордун тургундарынын күйүүчү май сатуу үчүн бул жакка келип жатканын байкадык. Мисалы, өткөн айда Панфилов районунун тургунун кармап, 8-мартта Сокулук районунун соодагери 3000 сом айыппулга жыгылды», - деп кошумчалашты ДПС инспекторлору.
Кээ бир маалыматтарга ылайык, Москва районунда дээрлик атаандаштык жок, бул товарларды жол боюна сатууну жергиликтүү соодагерлер үчүн пайдадуу жана ыңгайлуу кылат.
