Жогорку Сот тарабынан берилген маалыматка ылайык, 2025-жылы үй-бүлөлүк зомбулук боюнча 1 миң 196 иш каралган. Бул өткөн жылга салыштырганда дээрлик 24%га өскөндүгүн көрсөтүүдө.
Нургуль Бакирова статистикалык маалыматтар үй-бүлөлүк зомбулук маселесинин маанилүүлүгүн баса белгилеп, мындай кылмыштардын аныкталышынын өсүп жатканын жана калктын соттук системага болгон ишеними жогорулап жатканын көрсөтүп жатканын белгиледи.
КРнын Жогорку Сотунун сүрөтү. Нургуль Бакирова (биринчи катарда солдон) БУУнун иш-чарасында
Бакирова ошондой эле, адилеттикке жетүү Кыргызстан үчүн эң маанилүү милдет экенин, бирок аялдар дагы эле экономикалык жана маданий тоскоолдуктарга туш болуп жатканын белгиледи.
Мамлекеттеги зомбулукка каршы эффективдүү күрөшүү үчүн 2030-жылга чейин эсептелген Гендердик теңдик боюнча Улуттук стратегия ишке киргизилүүдө. Бул стратегия мыйзамдарды жакшыртууга жана аялдардын финансылык көз карандысыздыгын колдоого багытталган.
Нью-Йорктогу форум 2026-жылдын 19-мартына чейин өтөт, анда 107 өлкөнүн өкүлдөрү катышууда. Сессияда аялдар жана кыздар үчүн адилеттикке жетүүнү күчөтүүгө көңүл бурулууда.
