Ведомствонун маалыматына ылайык, Баткен районунун Самаркандек айыл аймагында ишке ашырылып жаткан «Таза Суу» долбоорунун курулуш аянтчасында текшерүү жүргүзүлгөндө мыйзам бузуу фактылары аныкталган.
«Айрыкча, милдеттүү көзөмөлдө болушу керек болгон курулуш иштеринин маанилүү этаптары туура эмес уюштурулган жана кабыл алынган. Бул техникалык регламенттин талаптары курулуш иштерин жүргүзүүдө толугу менен сакталбаганын көрсөтөт. Ошондуктан Баткен облустук мамлекеттик архитектуралык-курулуш контролу ОсОО «Инженердик коргоо» боюнча акт түзүп, аныкталган мыйзам бузуулардын жоюлушу боюнча буйрук берди. Ошондой эле компанияга 200 миң сом айып пул салынды», — деп айтылат маалыматта.
