Сот Шамсидин Фаридуни, Далерджон Мирзоев, Махаммадсобир Файзов жана Саидукрами Рачаболизодго өкүм чыгарды. Алардын бардыгы өмүр бою эркинен ажыратылды.
Соттун чечимине ылайык, соттолгондор өз жазаларынын бир бөлүгүн түрмөдө өткөрүшөт, андан кийин катуу режимдеги колонияга которулат. Мындан тышкары, ар бирине 990 миң рубль өлчөмүндө айыппул белгиленди.
Эскерте кетсек, 2024-жылдын мартында «Крокус Сити Холл»дагы трагедиялык окуянын натыйжасында 149 адам каза болгон.
Бул иш боюнча жалпы 19 адам — «Вилаят Хорасан» террордук тобунун болжолдуу катышуучулары жана алардын шериктери кылмыш жоопкерчилигине тартылды. Алардын төртөө, тергөө боюнча, чабуулга түздөн-түз катышкан, ал эми алты башка адам курал даярдоо жана логистиканы уюштуруу менен алектенген.
Иш боюнча териштирүү жети айдан ашык убакытка созулду. Прокуратура Шамсидин Фаридуни биринчи 18 жыл жазасын түрмөдө өтөп, андан кийин калган бөлүгүн катуу режимдеги колонияда улантуусун, ошондой эле 990 миң рубль айыппул төлөөсүн талап кылды.
