Колдоо Түркиянын ТИКА агенттиги тарабынан кайрымдуулук акциясынын алкагында көрсөтүлдү
12-мартта Бишкекте аз камсыз болгон үй-бүлөлөр үчүн 500 азык-түлүк набору берилди. Иш-чара Кыргыз Республикасынын Эмгек, социалдык камсыздоо жана миграция министрлигине караштуу Республикалык протездик-ортопеддик мекемеде өттү.
Азык-түлүктөр Бишкек жана Чүй облусунун тургундарына берилди. Эмгек министрлиги бул жардамды алган үй-бүлөлөрдү аныктады.
Акция ыйык Рамазан айына арналган жана Бишкектеги Түркиянын кызматташтык жана координация агенттигинин (ТИКА) программаларын координациялоо офисинин жардамы менен уюштурулду.
Министрликтин өкүлдөрү социалдык инициативаларга, муктаж үй-бүлөлөргө жардам көрсөтүүгө катышкан өнөктөштөргө ыраазычылык билдиришти.
Сүрөт Минтруддан
