Чүй облусунун судьялары менен өткөн жумушчу жыйында Жогорку Соттун төрагасы Медер Сатыев бир катар судьялардын ишине нааразычылыгын билдирди.
Ал 2025-жылга карата ишмердүүлүк отчетун угуп, өткөн жылы региондогу сотто 42 миңден ашык иш каралганын, ал эми өзгөртүүсүз калтырган сот чечимдеринин пайыздык көрсөткүчү 60–70% түзгөнүн белгиледи.
Сатыев аймактык соттордун кээ бир судьяларынын төмөн көрсөткүчтөрүнө көңүл бурду, соттук практиканы бириктирүү жана мыйзамдык нормаларды соттук жыйынтыктар аркылуу бирдиктүү колдонуу боюнча аракеттердин жетишсиз деңгээлде экенин белгиледи.
