Берилген маалыматка ылайык, мэр жооптуу кызматкерлерге иштерди жедел бүтүрүү боюнча тапшырма берди, мөөнөттөрдү жана сапатты сактоого көңүл буруп. Ал жарандардын, айрыкча балдардын коопсуздугу биринчи орунда болушу керектигин белгиледи.
«Учурда көчөлөрдү кеңейтүү этапында эски асфальт жабындысын алып салуу, жолдун бетин тегиздөө, жээктерди тазалоо, газ түтүктөрүн жана электр опоролорун көчүрүү иштери жүрүүдө. Иригация лотоктору орнотулуп, көпүрөлөрдүн опоролору бетон менен бекемделүүдө. Аталган көчөлөр төрт тилкеге чейин кеңейтилет. Проекттин алкагында жөө адамдар үчүн тротуарлар, скверлер, көчөлөрдү жарыктандыруу, ирригация системаларын орнотуу жана жашыл зоналарды жакшыртуу да пландалууда», — деп айтылат расмий билдирүүдө.
