Жарандарды шектүү эт сатып албоого чакырышат
Бишкек шаардык ички иштер башкармалыгынын кызматкерлери мал уурдоого жана мыйзамсыз эт соодасына каршы рейд өткөрүүнү башташат. Бул тууралуу ведомствонун басма сөз кызматы маалымдады.
Иш-чаралардын негизги максаты мыйзамсыз мал союуну, ташууну жана эт продукциясын сатууну токтотуу жана алдын алуу болуп саналат.
Милиция кызматкерлери союу жайларын, эт сатылган соода түйүндөрүн, ошондой эле жаныбарларды ташуу үчүн колдонулган транспорт каражаттарын текшеришет. Алар ээлери, кызматкерлер жана айдоочулар менен түшүндүрүү иштерин жүргүзүп, мыйзамдарды сактоонун жана зарыл ветеринардык жана уруксат документтеринин болушунун маанилүүлүгүнө көңүл бурушат.
ШИИБ да жарандарды көңүл бурууга жана өзүнүн коопсуздугун камсыздоо максатында шектүү эт сатып албоого чакырат.
сүрөт www
