Бул жылы Кыргызстанда «Жашыл мурас» улуттук демилгеси алкагында 9 миллион көчөт отургузуу пландаштырылууда. Бул тууралуу Табигый ресурстар, экология жана техникалык көзөмөл министринин орун басары Алмаз Мусаев Биринчи радиодо билдирген.
Ал жыл сайын өлкөдө отургузулган көчөттөрдүн көлөмү көбөйүп жатканын белгиледи:
2022-жылы 6 миллион;
2023-жылы — 7 миллион;
2024-жылы — 8 миллион;
2025-жылы — 8,5 миллион.
«Төрт жылдын ичинде пландын аткарылышынын натыйжасында республикада дээрлик 30 миллион көчөт отургузулат. Алардын 70% жакын жашап калат деп эсептесек, 22-23 миллион дарак ийгиликтүү өсөт дегенди билдирет. Бирок Кыргызстандагы климат жана деңиз деңгээлинен бийиктиги шартында дарактардын өсүү процессине көбүрөөк убакыт талап кылынарын белгилеп өтүү керек. 3-4 жыл ичинде маанилүү натыйжаларды көрүү кыйын», - деп кошумчалады Мусаев.
«Жашыл мурас» кампаниясын уюштуруу жергиликтүү акимчиликтерден министрликтерге чейин бардык деңгээлде макулдашылган, жакынкы күндөрү көчөттөрдү отургузуу башталат.
