Жогорку Кеңеште «Жогорку Кеңештин депутатынын статусу жөнүндө» мыйзамга өзгөртүүлөр киргизүү маселеси каралууда.
Депутат Дастан Бекешев «Жогорку Кеңештин депутатынын статусу жөнүндө» мыйзамга өзгөртүү киргизүү боюнча мыйзам долбоорун сунуштады. Бул долбоор Конституциялык мыйзам чыгаруу, мамлекеттик түзүлүш, жергиликтүү өз алдынча башкаруу жана регламент боюнча комитет тарабынан биринчи окууда жактырылды.
Документтин негизги максаты - учурдагы мыйзамга так өзгөртүүлөрдү киргизүү. Бул депутаттардын статусу, укуктары, милдеттери жана чектөөлөрү боюнча нормаларды тактоо менен байланыштуу.
Дастан Бекешевдин түшүндүрмөсүнө ылайык, өзгөртүүлөр «Жогорку Кеңештин депутатынын статусу жөнүндө» мыйзамдын 33-беренесине тиешелүү. Ал мыйзам долбоору депутаттардын негизги ишинен тышкары уруксат берилген ишмердик түрлөрүн так аныктоого, ошондой эле «илимий», «педагогикалык» жана «шыгармачылык» ишмердиктер сыяктуу терминдердин түшүндүрмөсүндөгү белгисиздиктен улам мандатты мыйзамсыз жоготуу коркунучтарын жоюуга багытталганын белгиледи.
Сүрөт www
