Жыйындын негизги темасы өлкөдөн чыгып кетүү боюнча жарандарга убактылуу чектөөлөр жана карыздар тууралуу калкты маалымдуулугун жогорулатуу боюнча чаралар болду.
Сот аткаруучулары кызматынын директору Жыргалбек Курманбеков бул багытта ийгиликтүү иш алып баруу үчүн мамлекеттик органдар ортосундагы өз ара аракеттенүүнү жакшыртуу жана маалымат алмашууну активдештирүү керектигин белгиледи.
Ал ошондой эле жарандарды мүмкүн болгон чектөөлөр жана карыздар тууралуу убагында жана жеткиликтүү маалымат менен камсыз кылуунун зарылдыгына көңүл бурду.
Иш-чаранын жүрүшүндө катышуучуларга жарандарга чыгып кетүүгө чектөөлөрдү тез текшерүүгө мүмкүндүк берген QR-код түрүндөгү жаңы мүмкүнчүлүктөр сунушталды. Мындан тышкары, калк арасында жайылтуу үчүн даярдалган видеоролик көрсөтүлдү.
