Бишкекте маанилүү окуя болуп өттү — Кыргызстандын Улуттук футбол академиясы ФИФАнын Талант академиясы статусу менен сыйланды. Бул жетишкендик Кыргыз футбол союзу менен Эл аралык футбол федерациясынын жемиштүү кызматташтыгынын натыйжасында мүмкүн болду.
Бул жылы Кыргызстан ФИФАнын футбол таланттарын өнүктүрүү боюнча пилоттук программасына катышкан өлкөлөрдүн бири болуп калды, бул жаш оюнчулардын даярдык ыкмаларын сапаттуу жаңылоону баштады. Статустун расмий тапшырылышы 24-мартта КФС өкүлдөрүнүн, ФИФА делегаттарынын, ошондой эле академиянын тарбиялануучуларынын жана алардын ата-энелеринин катышуусунда өттү. Символикалык тактаны ФИФАнын жогорку жетишкендиктер программасынын жетекчиси Ульф Шотт КФСтин биринчи вице-президенти Нурдин Букуевге тапшырды. Ардактуу коноктордун арасында легендарлуу футболчу жана "Алтын топ" ээси Христо Стоичков жана дүйнө чемпиону Клаудия Сорноса болду.
ФИФАнын президенти Джанни Инфантино да өлкөнү бул тарыхый жетишкендик менен куттуктукту. Учурда Кыргызстандын Улуттук футбол академиясы дүйнө жүзүндө ушундай статуска ээ 14 мекеменин катарына кирет жана Азияда алдыңкы орундардын бирин ээлейт. ФИФА кыргызстандык академияны планетадагы 54 окшош борбордун арасында эң перспективдүү деп белгиледи.
Учурда академияда 87 жаш футболчу жергиликтүү жана чет өлкөлүк адистердин жетекчилиги астында билим алууда. Кыргыз футбол союзу таланттарды издөө жана даярдоо системасын өнүктүрүүгө, жаштар үчүн эл аралык тажрыйбаны кеңейтүүгө жана ФИФАнын глобалдык программасынын алкагында машыктыруучулардын квалификациясын жогорулатууга багытталган.
