Ведомствонун маалыматына ылайык, долбоор төрт тилкелүү жолду түзүүнү камтыйт. Жумуштар бир убакта долбоорлоо жана курулуш менен жүргүзүлүп, каржылоо мамлекеттик капиталдык салымдар эсебинен ишке ашырылууда.
Учурда жер казуу иштерин жүргүзүү, ашыкча топуракты чыгаруу, темир-бетон конструкцияларын демонтаждоо жана даярдоо иштери аткарылууда. Ошондой эле курулуш участкасынан жакын жерде асфальт-бетон заводун орнотуу пландаштырылууда.
Долбоордун убагында аякташын камсыз кылуу үчүн подрядчы — China Road and Bridge Corporation компаниясы менен келишим түзүлгөн.
Министрликтен билдиришкендей, бул долбоордун ишке ашырылышы Чолпон-Атадагы транспорттук жүктөмдү азайтууга, региондун жол инфраструктурасын жакшыртууга жана эл аралык иш-чараларды өткөрүүнүн жогорку деңгээлин камсыз кылууга мүмкүндүк берет.
