Шырдак жасоо салттары тууралуу Сүрөт өнөрү музейинде айтып беришет
Гапар Айтиев атындагы Улуттук көркөм өнөр музейинде «Кыргызча жүн килем «шырдак»: салттар жана заманбаптык» аттуу лекция өтөт. Бул тууралуу иш-чаранын уюштуруучулары билдиришти. Лекцияда катышуучулар шырдактын кыргыз коомундагы социалдык маанисин, ошондой эле анын жасалуу технологиялык процесстерин жана талаа этнографиялык изилдөөлөргө негизделген ала-кийиздин өзгөчөлүктөрүн тааныша алышат. Ошондой эле, жүн килемдердин орнаменталдык семантикасы жана классификациясы талкууланат.