Бишкекте бүгүн, 31-октябрда, 2025-2026-жылдардагы AFC Challenge League турнирынын топтук этабынын оюну өтөт.
Д. Омурзаков атындагы стадиондо саат 20:00дө «Мурас Юнайтед» клубу кувейттик «Аль-Араби» командасы менен беттешет.
Мурда маалымдалгандай, Кыргызстанды бул турнире «Мурас Юнайтед» жана «Абдыш-Ата» клубдары коргойт.
«Абдыш-Ата» клубу ошондой эле Чанглимитанг стадионунда Paro командасына каршы ойноп, оюн УТРК СПОРТ каналынан түз эфирде көрсөтүлөт.
AFC Challenge League турнирынын топтук этабына 20 команда катышып, алар эки зонага бөлүнгөн: Батыш жана Чыгыш. Плей-оффко Батыш зонасындагы үч топтун жеңүүчүлөрү жана экинчи орунду алган командалардын арасынан эң жакшы натыйжа көрсөткөн бир команда кирет.
