Оманда, 25-27-октябрда, регби-7 боюнча Азия чемпионаты өттү, ага биринчи жолу Кыргызстан командасы катышты. Соревнованияга 13 команда катышты.
Топтук этапта кыргызстандыктар В тобунда болуп, Казакстан жана Сауд Аравиясынын командалары менен беттешти. Тилекке каршы, алар эки оюнда тең жеңилди: Казакстанга — 0:44, Сауд Аравиясына — 0:22.
Challenge тобунда команда биринчи кезекте Ливанга 0:40 эсебинде жеңилди. Бирок, кыргызстандыктар тарыхый жеңишке жетишип, Палестинаны 12:7 менен утушту. Бирок кийинки беттештерде алар Иракка (0:36) жана Оманга (0:19) кайрадан жеңилди.
Улуттук командага төмөнкү оюнчулар кирди: Эрлан Ташмаматов, Азиз Кочманбетов, Бек Калдар уулу, Шумкарбек Окен уулу, Адил Чыныбеков, Тамирлан Исмаилов, Артем Кузнецов, Арлен Максатов, Илгиз Доолотбай уулу жана Даниил Каврышкин.
Бул дебюттук тажрыйба Кыргызстан командасы үчүн өлкөдөгү регбини өнүктүрүүдө маанилүү кадам болуп, командадын эл аралык аренадагы келечегин көрсөттү.
