Жолугушууга КФС, Кыргыз профессионалдык футбол лигасынын өкүлдөрү жана "Дордой", "Алга", "Илбирс", "Бишкек Сити", "Азиягол" сыяктуу клубдардын өкүлдөрү, ошондой эле "Кыргызалтын" (Кара-Балта), "Абдыш-Ата" (Кант), "Талант" (Беш-Кунгей), "Нефтчи" (Кочкор-Ата), "Мурас Юнайтед" (Манас), "Өзгөн" (Өзгөн), "Алай" (Ош), "ОшМУ" (Ош), "Барс" (Каракол), "Токтогул" (Токтогул) жана "Азия" (Талас) командалары катышты.
Жолугушуунун жүрүшүндө чемпионаттардын аталышын өзгөртүү боюнча чечим кабыл алынды. Премьер-лига эми жогорку лига деп аталат, ал эми улуттук лига – биринчи лига.
Жаңы сезондон баштап, биринчи лиганын жеңүүчүсү жогорку лигага автоматтык түрдө жолдомо алат, ал эми 16-орунду ээлеген команда биринчи лигага түшүрүлөт.
