АКШнын президенти Дональд Трамп, Мексиканын президенти Клаудия Шейнбаум жана Канаданын премьер-министри Марк Карни 2026-жылы өтө турган футбол боюнча дүйнө чемпионатынын жеребе тартуу салтанатына катыша тургандыгын тастыкташты. Бул тууралуу ФИФАнын басма сөз кызматы маалымдады.
Салтанат 5-декабрда Вашингтондо өтүп, турнириге даярдык башталарын белгилейт, ал биринчи жолу үч өлкө: АКШ, Мексика жана Канада тарабынан уюштурулат.
Учурда чемпионатка катышууга квалификация алган 42 команда белгилүү. Алты команда Европа квалификациялык оюндарында жана континент аралык плей-офф оюндарынын жүрүшүндө аныкталат.
Оюндардын форматы төмөнкүдөй болот: Мексика жана Канада 13 оюн өткөрөт, ал эми АКШ 78 оюн уюштурат, анын ичинде топтук оюндар жана плей-офф оюндары.
Дүйнө чемпионаты 2026-жылдын 11-июнунан 19-июлунна чейин пландалган жана FIFAнын тарыхындагы эң ири турнири болуп, ага 48 команда жана үч кабыл алуучу өлкө катышат деп күтүлүүдө.
Уюштуруучулар жеребе тартуу салтанатында жогорку даражадагы коноктордун катышуусуна үмүт артып, үч өлкөнүн биргелешип иштөөсүнүн маанилүүлүгүн белгилешүүдө.
