Бул маалымат Трамп тарабынан, жакында боло турган турнири даярдоого арналган Ак үйдүн максаттуу тобу менен болгон жолугушуудан кийин айтылды.
Президенттин айтымында, визаны алуу процесси мурда бир жылга чейин созулушу мүмкүн болчу, бирок администрациянын аракеттеринин натыйжасында көпчүлүк өлкөлөр үчүн күтүү мөөнөтү 60 күнгө же андан да азга кыскарды. FIFA Pass системасы билет алган көрүүчүлөргө кезекте артыкчылык орунду ээлөөгө мүмкүндүк берет, бирок мамлекеттик катчы Марко Рубио билеттин болушу автоматтык түрдө өлкөгө кирүүгө кепилдик бербестигин белгиледи. Ал ошондой эле, арыз берилгенден кийин 6–8 жума ичинде интервью өткөрүлөөрүн кошумчалады.
ФИФАнын президенти Джанни Инфантино да АКШдагы Дүйнө чемпиондугу 10 миллионго чейин көрүүчүнү тартат деп күтүлүп жатканын билдирди. Учурда жаңы визалык эрежелер АКШга кирүүгө чектөөлөр бар өлкөлөрдүн жарандарына колдонулуп-колдонулбашы белгисиз.
2026-жылдагы футбол боюнча Дүйнө чемпиондугу 11-июндан 19-июлга чейин АКШ, Мексика жана Канадада өтөт, ал эми Өзбекстандын курама командасы мындай ири турнире биринчи жолу катышат.
