МОК жаш атлеттер эл аралык турнирлерге баруу жолунда тоскоолдуктарга туш болбошу керектигин баса белгилейт.
Анткен менен, жаштар мелдештеринин так аныктамасы жана бул сунуштарды ишке ашыруу ар бир эл аралык спорт федерациясы тарабынан белгиленген эрежелерге жараша болот. Олимпиада оюндарына жана башка турнилерге кирүүгө уруксат берүү маселеси спорт федерацияларынын компетенциясында калат.
Бул МОКтун чечими жеке жана командалык спорт түрлөрүнө тиешелүү, «саясий нейтралдуулук» принцибине негизделген, деп айтылат билдирүүдө.
Эскерте кетсек, 2022-жылы россиялык спортчулар эл аралык мелдештерден четтетилген.
Өткөн айда Эл аралык самбо федерациясы Россия жана Беларусиядан келген спортчуларга жаштар жана жюниордук турнилерде өз желектери жана гимндери менен чыгууга уруксат берди.
Ошондой эле, Эл аралык дзюдо федерациясынын (IJF) аткаруу комитети россиялык спортчуларга өз өлкөсүнүн желеги, гимни жана башка улуттук символдор менен чыгууга укугун калыбына келтирүү чечимин кабыл алган.
Мындан тышкары, Европалык гимнастика конгресси (EG) россиялык спортчуларды уюмдун алдындагы мелдештерге катышууга уруксат берүү чечимин колдоду.
