Бул чечим Эл аралык шахмат федерациясынын (ФИДЕ) Генералдык ассамблеясында кабыл алынды, анда 61 делегат «колдойм» деп добуш берсе, 51 «каршы» добуш берди. Ошентип, орус спортчулары үчүн улуттук символиканы колдонууга коюлган чектөөлөр алынып салынды.
2022-жылдын башынан бери орус жана белорус шахматчылары ФИДЕнин турнириндерине катыша алышкан жок. Кийинчерээк аларга жеке мелдештерде катышууга уруксат берилди, бирок желеги жана гимни жок, нейтралдуу статус менен.
Маанилүү жагдай, Эл аралык олимпиада комитети да орус жана белорус спортчуларынын жаштар мелдештерине катышуусуна коюлган чектөөлөрдү жоюу чечимин кабыл алды.
Жакында, октябрда, Эл аралык самбо федерациясы орус жана белорус спортчуларына жаштар турниринде улуттук желектери менен чыгууга уруксат берди.
Мындан тышкары, Эл аралык дзюдо федерациясынын (IJF) Иш башкармалыгы орус спортчуларына өз өлкөсүнүн гимни жана желеги менен чыгууга укугун калыбына келтирүү чечимин кабыл алды.
Европа гимнастика конгресси (EG) да орус спортчуларынын ушул уюмдун демилгеси менен мелдештерге катышуусун калыбына келтирүү чечимин кабыл алды.
