Кыргызстандын парадзюдо федерациясынын маалыматы боюнча, Мааткабылов команда башкы машыктыруучусу Канат Имияновдун ишин жогору баалап, анын парадзюдону өнүктүрүүгө жана эл аралык деңгээлдеги спортчуларды даярдоого кошкон маанилүү салымын белгиледи. "Профессионализмин жана ишине берилгендигин таануу белгиси катары машыктыруучу KIA Optima унаасы менен сыйланды", - деп билдирет федерациянын маалыматы.
Айбийке көргөндөр жана көрбөгөндөр арасында дзюдодон Азия чемпионатында чемпиондук наамды жеңип алды жана Бразилиядагы IBSA Judo Grand Prix турниринде жеңүүчү болду. Мындан тышкары, ал дүйнө чемпионатында коло медальды жеңип алып, Египетте жана Казахстанда өткөн Гран-принин эки этабында үчүнчү орунду ээледи.
Фердауза Убарикова да мыкты жыйынтыктарды көрсөтүп, быйылкы дүйнө чемпионатында күмүш медальды жана Египеттеги Гран-при турниринде коло медальды жеңип алды.
