12-14-декабрь күндөрү Стамбулда Turkish Open Karate эл аралык турнири өттү, ага 35 өлкөдөн 1700дөн ашык спортчу катышты. Кыргызстан 11 каратэчи менен өкүлчүлүк кылып, үч коло медаль утуп алды.
30 кг салмак категориясында жаш спортчулар арасында (8-9 жаш) Раид Абожмей коло медаль алды, ал эми Нуртилек Саидов 16-17 жаштагы спортчулар арасында 55 кг салмакта үчүнчү орунду ээледи.
Мындан тышкары, 16-17 жаштагы жигиттер арасында командалык мелдеште коло медальды Айдар Жолчиев, Тимур Жолчиев, Азиз Муратов жана Эмир Жалаловдон турган курама команда утуп алды.
Команданы даярдоону Кыргызстандын Сетокан каратэ-до улуттук федерациясынын башкы машыктыруучусу Абдибек Апсатаров жүргүздү.
