Ал 77 кг салмак категориясында финалга чейин жеткен, бирок чечүүчү беттеште венгриялык спортчу Тамаш Лоринцке жеңилип, экинчи орунду ээлеген.
«Финалда мен өз мүмкүнчүлүктөрүмдүн 10% да ишке ашыра алган жокмун. Бул кандайча болду экенин түшүнө албай турам. Олимпиадалык оюндар дайыма күтүүсүз учурларга толо», - деди ал.
Махмудовдун айтымында, анын атаандашы үчүн бул беттеш карьерасындагы акыркы беттеш болду, ал эми анын карьерасы жаңы гана башталууда. Лоринц дүйнө жана Европа чемпиону болуп, эми Олимпиада чемпиону наамы менен карьерасын жапты. «Бул чоң бактылуулук, ар бир спортчунун кыялы», - деп кошумчалады балбан.
«Кээде мен жеңилгениме капа болом, бирок ошол эле учурда карьерасын ушундайча жапкан спортчулар үчүн чын жүрөктөн кубанам. Ар бир адамга мындай мүмкүнчүлүк берилбейт», - деп өз сезимдери менен бөлүштү Акжол Махмудов журналист Тахир Гафуровго берген маегинде.
