Соревнования мектеп окуучулары арасында 2017, 2018 жана 2019-жылдары төрөлгөндөр үчүн өткөрүлөт. Оюндар «микс» форматында (5+1) өтөт, анда командалар кыздар жана уулдардан турат.
Командалар 12ден 15ке чейин оюнчудан турушу керек. Мындай ыкма футбол жөндөмдөрүн өнүктүрүүгө, командалык рухту бекемдөөгө жана катышуучулар арасында сыйлашуу маданиятын калыптандырууга жардам берет.
Лиганын биринчи турнири Бишкекте өтөт, шаардагы төрт районду камтыйт. Ар бир райондон 20 команда сунушталат, алар төрт топко бөлүнөт. Өз топторунда биринчи орунду ээлеген командалар финалдык этабына катышуу мүмкүнчүлүгүнө ээ болушат.
Башкы шаардагы мектептерден арыздарды кабыл алуу 20-мартка чейин уланат. Республика аралык турниринин өткөрүү күнү кийинчерээк жарыяланат. Арыз берүү электрондук почта аркылуу technical@kfu.kg дареги боюнча жүргүзүлөт.
