Талкуу учурунда депутат Болот Сагынаев футбол жана волейболдогу жетишкендиктер мектеп лигаларынын активдүү ишине көп көз каранды экенин белгиледи. Ал мурда мектеп турнири үзгүлтүксүз өткөрүлгөндө, балдардын спортко кызыгуусу кыйла артканын, бул болсо алардын ар кандай мелдештерге катышуусун жана жакшы жыйынтыктарга жетишүүсүн жеңилдеткенин айтты.
Сагынаев мектеп лигасын калыбына келтирүү боюнча суроо берди.
Урмат Асанбаев долбоордун кайра жанданганын растады. Ал командалардын каттоосу аяктаганын жана лигада болжол менен 2000 команда катышып жатканын билдирди.
Агенттиктин жетекчиси учурдагы сезондо мектеп лигасы үч спорттун түрүн камтыйт: футбол, волейбол жана баскетбол. Келечекте үстөл тенниси жана улуттук спорт түрлөрүн кошуу пландалууда. Бирок, Асанбаевдин айтымында, спорттук инфраструктуранын жетишсиздиги бул дисциплиналардын кеӊейишине дагы деле тоскоол болууда.
Ал ошондой эле мектеп лигасынын бешинчи сезону башталганын, ал эми финалдык мелдештер 1-9-май аралыгында өткөрүлөрүн маалымдады.
