Депутат Болот Сагынаев оюндардын башталышына аз убакыт калганын белгилеп, спортчулардын даярдык шарттары жана алардын машыгуучу жайлары тууралуу сурады.
Жооп катары Урмат Асанбаев Оюндарга 100 өлкөдөн спортчулар катышаарын, жалпы 2800-3000 катышуучу болжолдонуп жатканын, алар 43 дисциплинада атаандашарын айтты. «Байрак» фирмасы кыргызстандык атлеттер үчүн форма бермекчи.
Мындан тышкары, Асанбаев учурда окуу-машыгуу жыйындары өтүп жатканын билдирди. Даярдыктын биринчи үч этабын май айына чейин аяктоо пландалууда. Оюндар Ысык-Көлдө төрт аянтта өтөт, жана ар бир федерация алган тапшырмаларына ылайык жыйындарды өткөрөт, - деп кошумчалады ал.
