VI Дүйнөлүк кочмондор оюндарынын алкагында салмак категорияларынын санын кыскартуу чечими кабыл алынды. Бул тууралуу «Кабар» агенттигиндеги пресс-конференцияда Дүйнөлүк кочмондор оюндарынын Эл аралык катчылыгынын жетекчиси Нурсултан Аденов билдирди.
Аденов бул чечимдин мурдагы оюндарды өткөрүү тажрыйбасын талдоодон улам кабыл алынганын белгиледи. Ал көптөгөн салмак категорияларынын мелдештерди уюштурууну кыйындатарын жана көрүүчүлөрдүн кызыгуусун төмөндөтөрүн кошумчалады. «Эгерде бир спорттун түрү боюнча мелдештер бүт күндү алса, көрүүчүлөрдүн кызыгуусу жоголуп, спортчулар чарчашат, анткени алардын көпчүлүгү бир нече дисциплиналарга катышууну каалашат, биз аларга мындай мүмкүнчүлүктү беребиз», - деди ал.
Ошондуктан уюштуруучулар коомчулукта эң чоң кызыгууну жараткан салмак категорияларын гана калтырууну чечишти. Мындан тышкары, программа түзүүдө ар кандай өлкөлөрдүн улуттук спорт түрлөрү арасындагы баланс эске алынды.
Аденов ошондой эле кыргыз дисциплиналарына өтө чоң басым жасоо оюндардын эл аралык статусуна терс таасир этүүсү мүмкүн экенин эскертти. «Эгерде биз бир өлкөнүн улуттук спорт түрлөрүн гана илгерилетсек, бул башка мамлекеттердин катышуучуларынын нааразычылыгын жаратат, анткени бул адилетсиз деп эсептешет. Ошондуктан бардык чечимдер кылдаттык менен жана тиешелүү федерациялар менен тыгыз кызматташтыкта кабыл алынат», - деп кошумчалады ал.
