«Адриатика перласы» аталышындагы мелдеш 4-мартта Будва шаарында башталып, 19 жашка чейинки катышуучуларды чогултту.
Муратов 70 кг салмак категориясында чыгышып, рингге 14 боксчу чыкты.
Ал медальга жетүү жолун 1/8 финалдан баштап, Украина жана Казакстандык атаандаштарынан жеңишке жетип, жарым финалга өттү.
Бирок 9-мартта финалисттерди аныктаган беттеште кыргызстандык боксчу Азербайджандык Рза Рзаевге утулду.
Ошентип, Кутманбий Муратов акыркы протоколдо үчүнчү орунду ээлеп, коло медаль менен сыйланды.
60 кг категориясында Умар Орусбаев да финалга чыгып, 11-мартта алтын медаль үчүн беттешүүгө даярданып жатат.
Кутманбий Муратовдун 70 кг салмак категориясындагы жыйынтыктары:
1/8 финал:
Кутманбий Муратов - Данило Похтин (Украина) — 5:0
1/4 финал:
Кутманбий Муратов - Мадьяр Самбет (Казакстан) — 3:2
Жарым финал:
Рза Рзаев (Азербайджан) - Кутманбий Муратов — 5:0
