Жаңы башкы машыктыруучу Роберт Просинечкинин жетекчилигинде команда 19-мартта Анталияда машыгууларын баштады, ал эми 25-мартта биринчи достук оюну өтүп, команда Экваториалдык Гвинеяга минималдуу 0:1 эсебинде утулду.
Жыйынга жөнөгөн оюнчулардын тизмесине индонезиялык «Персита» клубунун коргоочусу Тамирлан Козубаев жана вьетнамдык «Тханьхоа» клубунун жарым коргоочусу Одилжон Абдурахманов кирген жок.
КФС өкүлдөрү Sport АКИpressке билдиришкендей, бул футболчулардын жоктугу учуу коопсуздугу менен байланыштуу. Мындан тышкары, ирандык «Эстегляль» клубунун чабуулчусу Жоэл Кожо жана «Алги» клубунун дарбазачысы Эржан Токатаев учурда жаракаттан кийин калыбына келүү процессинен өтүүдө.
Баштапкы тизмеде ошондой эле минсктик «Динамо» клубунун жарым коргоочусу Гулжигит Алыкулов жана «Дордой» клубунун чабуулчусу Эрнист Батырканов да болгон, бирок алар да алган жаракаттары себептүү командага кошула алган жок.
