Оюн 25-мартта Түркияда өтүп, кыргызстандыктар 1:0 эсебинде утулушту. Бир гана гол биринчи таймдын 40-мүнөтүндө пенальтиден киргизилди.
Бул матч Хорватиядан келген Кыргызстандын жаңы башкы машыктыруучусу Роберт Просинечки үчүн дебют болду.
Команданын капитаны Валерий Кичин оюнду мындайча комментарийлеп өттү: «Каршылашыбызда бир гана мүмкүнчүлүк болду. Пенальти, менин оюмча, талаштуу эле, бирок судьянын чечимин өзгөртүү мүмкүн эмес. Биз өз мүмкүнчүлүктөрүбүздү пайдалануу керек болчубуз, бирок, тилекке каршы, албетте, оюндун жыйынтыгы айкын. Оюн башталышы ийгиликсиз болду, бирок кийин биз кырдаалды көзөмөлдөп, мүмкүнчүлүктөрдү жарата алдык».
Ал ошондой эле команда түзүлүү стадиясында экенин белгиледи: «Азыр биз жаңы команда куруудабыз, көп жаштарды тартуудабыз. Бизге сыгралууга убакыт керек. Биз алты айдан бери жолуккан жокпуз, төрт-беш күндүк машыгуулар туруктуу оюн үчүн жетишсиз. Мен балдардын чыгышына жана ишине ыраазымын», - деп кошумчалады Кичин «Кыргыз спорт ТВ» каналына берген интервьюсунда.
Кичин жаңы машыктыруучу тууралуу да айтты: «Жаңы машыктыруучу топту контролдоого багытталган. Ал бизден топту кармап, пас менен ойнобузду каалайт. Бирок мындай кыска убакытта бир нерсени иштеп чыгуу кыйын. Мен анын иши жакын арада жыйынтык берерине үмүттөнөм», - деп белгиледи капитан.
Кыргызстандыктар кийинки оюнду 28-мартта Мадагаскарга каршы өткөрөт.
