Бирок, жарыяланууда кайсы пункттар алынып салынганы такталган эмес.
Переговорлорго катышкан Украина президентинин кеңешчиси Александр Бевз пландын олуттуу өзгөрүүлөргө учураганын тастыктады. "Баштапкы 28 пункттан турган план азыр жок. Кээ бир пункттар алынып салынды, башкалары өзгөртүлдү. Украина тараптын бардык сунуштары эске алынды. Эң кыйын маселелер боюнча акыркы чечимдер мамлекет башчылары тарабынан кабыл алынат", - деп жазды ал Telegram'да.
21-ноябрда Трамптын администрациясынын 28 пункттан турган планы жарыяланганын эске салуу керек. ЕС өлкөлөрүнүн лидерлери, ошондой эле Канада жана Япония бул документке сын айтып, анын кээ бир жоболорунун кабыл алынгыс экенин жана кайра каралышын талап кылышкан. Бул талкуу 23-ноябрда Женевадагы жолугушууда болду.
