Бул билдирүү Путиндин 27-ноябрда Бишкекте өткөн ЖККУнун Коопсуздук кеңешинин жыйыны учурунда «Номад ТВ» телеканалына берген интервьюсунда айтылды.
Россия президенти Садыр Жапаровду «ишенимдүү өнөктөш жана дос» деп мүнөздөдү.
Сүйлөшүү учурунда Путин Кыргызстан менен Россиянын мамилелери түбөлүк баалуулуктарга негизделгенин, анын ичинде маданиятка жана тилдерге болгон урматты баса белгиледи.
Ал ошондой эле: «Биз Кыргызстанда кабыл алынган орус тилине байланыштуу чечимдерге чоң урмат менен карайбыз жана анын мыйзам деңгелинде бекитилген расмий статусуна кубанычтабыз» деди.
Владимир Путиндин Бишкекке болгон визити 25-27-ноябрда болуп, ЖККУнун Коопсуздук кеңешинин жыйынына катышуусуна арналган. 26-ноябрда «Ынтымак Ордо» комплексинде Кыргызстан жана Россия президенттеринин ортосунда кеңейтилген форматта сүйлөшүүлөр болуп, эки тараптуу кызматташтыктын негизги маселелери жана анын келечектеги өнүгүү мүмкүнчүлүктөрү талкууланды.
