Мамлекет башчысынын администрациясынын тышкы саясат бөлүмүнүн жетекчиси Сагынбек Абдумуталип билдиргендей, визит учурунда Жапаровдун бир катар жогорку даражадагы пакистандык чиновниктер менен, анын ичинде премьер-министр, президент Асиф Али Зардари, Улуттук ассамблеянын спикери Сардар Аяз Садик жана Сенаттын төрагасы Юсуф Реза Гелани менен эки тараптуу сүйлөшүүлөрү пландалууда.
Сүйлөшүүлөрдүн алкагында тараптар өз ара кызыкчылык туудурган ар кандай негизги тармактарда эки тараптуу кызматташтыктын маанилүү маселелерин талкуулашат, ошондой эле кыргыз-пакистан мамилелеринин мындан аркы өнүгүү жолдорун карашат.Мындан тышкары, кыргыз-пакистан бизнес-форумун өткөрүү пландалууда, деп белгиледи Абдумуталип.
МаалыматКыргызстан менен Пакистан ортосундагы дипломатиялык байланыштар 1992-жылдын 10-майында түзүлгөн. Кыргызстан президентинин бул өлкөгө болгон акыркы расмий визити 2005-жылы болгон.
Мамлекеттер Бириккен Улуттар Уюму, Шанхай кызматташтык уюму, Ислам кызматташтык уюму жана Экономикалык кызматташтык уюму сыяктуу эл аралык уюмдарда кызматташып жатышат.
