Жыйында 30-ноябрда өткөн мөөнөтүнөн мурдагы шайлоодо шайланган 87 депутат, ошондой эле президент Садыр Жапаров катышууда. №13 округда дагы үч депутат кайра шайлоодо тандалат, анткени ал жердеги добуш берүү жыйынтыктары жокко чыгарылган.
Парламентте өкмөт башчы Адылбек Касымалиев, өкмөт мүчөлөрү жана Борбордук шайлоо комиссиясынын өкүлдөрү да бар.
Сессия Кыргызстандын гимни менен ачылды. №7 округдан депутат Гулай Машрапова спикер шайланганга чейин төрагалык кылат.
Борбордук шайлоо комиссиясынын төрагасы Тынчтык Шайназаров депутаттарга значок жана күбөлүктөрдү тапшырууну баштады.
