Ван-ю-цай Павел Михайлович

Ван-ю-цай Павел Михайлович

Сүрөтчү. 1956-жылдын 6-январында Ысык-Көл облусунун Пржевальск шаарында туулган. 1979-жылы Свердловск архитектура институтун «Өнөр жай искусствосу» адистиги боюнча аяктаган, 1985-жылы Москвадагы элдик искусстволор университетинин живопись жана графика факультетин бүтүргөн. Ар кандай өнөр жай ишканаларында сүрөтчү-декоратор, сүрөтчү-конструктор катары иштеген. 1993-жылдан бери Бишкек шаарындагы №70 мектеп-комплексинде «Радуга» сүрөт студиясынын жетекчиси жана мугалими.

1993-жылы Кыргызстандын Г.Айтиева атындагы көркөм искусстволор улуттук музейинде сүрөттөрдүн биринчи жеке көргөзмөсү өткөн. 1995-жылдан бери шаардык жана региондук көргөзмөлөргө катышып, 1999-жылдан бери «Кыргызфильм» жана «Кыргызтелефильм» киностудияларында сүрөтчү-постановщик катары иштейт.

НЕГИЗГИ ИШТЕР

Трансмиссия. 1993. Оргалит, май. 64x55.
Космос. 1995. Оргалит, кенеп, май. 55x45.
Урания жана Лета. 1999. Оргалит, май. 69x49.
Жүргөн. 2000. Оргалит, кенеп, май. 82,5x72.
Соперниктер. 2000. Оргалит, кенеп, май. 90x70.
Көпүрө. 2001. Оргалит, кенеп, май. 67x55.
Өз-өзүнчө адашуу. Триптих. 2001 - 2003. Оргалит, кенеп, май. 88x66.
Билим алуу жолу. 2002-2003. Оргалит, кенеп, май. 97x77.
Көктөмдүн туулушу. 2007. Оргалит, кенеп, май. 97x77.