Джайчибеков Бекбосун Карабекович

Джайчибеков Бекбосун Карабекович

График. Театр художниги. 1948-жылдын 27-ноябрында Ысык-Көл облусунун Тюп районундагы Корумду айылында төрөлгөн. Н. В. Гоголь атындагы Алматы көркөм өнөр окуу жайын, андан кийин Москва полиграфия институтун аяктаган.

Китеп чыгаруу, полиграфия жана театр искусствосунун системасында 1979-жылдан бери иштейт. Балдар китебинин алдыңкы художниктеринин бири. «Мектеп», «Кыргызстан» басмаканасында улук көркөм редактор болуп иштейт, «Адабият» басмаканасынын башкы художниги. Кыргыз мамлекеттик опера жана балет театрынын башкы художнигинин жардамчысы, Чүй облустук театрынын башкы художниги болуп иштеген. «Манас» эпосунун 1000 жылдыгында Талас шаарында костюмдардын башкы художниги болгон.

«Шам» - Т.Суванбердиев атындагы АО «Кыргызполиграфкомбинат» басмаканасынын башкы художниги.

Балдар китебин жана мектеп окуу китептерин көркөмдөп жасаганы үчүн эл аралык жана республикалык «Китеп искусствосу» конкурстарында бир нече жолу дипломдор жана сыйлыктар менен сыйланган. 2007-жылы Москвада өткөн эл аралык «Библиообраз» фестивалынын катышуучусу.

Республикадагы Госкомиздаттын Ардак грамотасы, Бишкек шаарынын мэриясынын Ардак грамотасы менен сыйланган. «Кыргыз Республикасынын маданиятынын отличниги», «Кыргыз Республикасынын билим берүү отличниги» белгилери менен сыйланган. Эл аралык «Руханият» ассоциациясынын ардактуу мүчөсү, Кыргыз Республикасынын мамлекеттик символикасынын - Тууунун авторлорунун бири.

Негизги иштер

Ч.Айтматов. «Эне-мурун». Ф.: «Мектеп». 1982.
Д.Сулайманов. «Карач баатыр». Ф.: «Мектеп». 1982.
Кыргызча жомоктор «Тапкыр бала». Алматы. «Жалын». 1982. 
Омар Хаям. «Рубаи». Ф.: «Кыргызстан». 1982.
К.Баялинов. «Түлкү жана сурок». Ф.: «Мектеп». 1984.
Т.Сыдыкбеков. «Курча ряба». Ф.: «Мектеп». 1984.
Түрк элдик повесттери «Эмрих селви». Ф.: «Кыргызстан». 1987.
Академиялык басылышы «Манас». 3 том. Б.: «Шам». 1998.
Кыргыз элдик жомоктору. Б.: «Сорос-Кыргызстан» фонду. 1998.
Корей жомогу «Конджи жана Патджи». Б.: «Сорос-Кыргызстан» фонду. 1999.
Европа уламыштарынан. Б.: «Сорос-Кыргызстан» фонду. 2000.
Тажик элдик жомоктору. Б.: «Сорос-Кыргызстан» фонду. 2001.
Тоолук падыша Курманжан жана анын заманы. Б.: «Илим». 2002.
Кыргызстан элдеринин жомоктору. Б.: «Шам». 2004.
С.Рыспаев. «Кыргыз тили 1-класс». Б.: «Архи». 2004.
И.Бекбоев, Н.Ибраева. «Математика 2-класс». Б.: «Мектеп». 2004.
Э.Ибраев. «Бийлеген көбөлөктөр». Б.: «Шам». 2004.